Presidenti i Rusisë, Vladimir Putin ka shprehur gatishëmrinë për të kontribuar në shmangjen e krizës globale ushqimore, por vetëm me një kusht.
Në një bisedë telefonike me kryeministrin e Italisë, Mario Draghi, Putin u shpreh se Moska do të ndihmojë vetëm nëse Perëndimi i heq sanksionet.
Presidenti rus foli gjithashtu për hapat e ndërmarra për të garantuar sigurinë e lundrimit si dhe hapjen e korridoreve humanitare për të lejuar largimin e anijeve civile nga portet e Azov dhe Detit të Zi.
Fermerët ukrainas kanë 20 milionë tonë drithë që nuk mund t’i eksportojnë në tregjet ndërkombëtare dhe një fazë e re korrje është gati të fillojë.
Ministri i Jashtëm ukrainas Dmytro Kuleba e ka përshkruar më parë si “shantazh” ofertën e Rusisë për të hequr bllokadën e porteve të Detit të Zi ukrainas, në këmbim të heqjes së sanksioneve.
